Azad edilmiş torpağımızda tam orta məktəb istifadəyə verildi | Neçə şagird təhsil alacaq?

Cəbrayıl şəhərində Mehdi Mehdizadə adına tam orta məktəb istifadəyə verilib.

Adıçəkilən məktəbdə ilkin mərhələdə 122 şagird təhsil alacaq və ilin sonuna kimi isə şagird sayı 400 nəfərə çatacaq.

Elm və Təhsil Nazirliyinin Şərqi Zəngəzur Regional Təhsil İdarəsindən bildirilib ki, təhsil müəssisəsi 2,7 hektar ərazidə, 960 şagird yerlik olmaqla 40 sinif otağından və müxtəlif 5 inzibati otaqdan ibarətdir:

“Həmçinin məktəbdə kimya, fizika laboratoriyaları, biologiya kabineti, eləcə də musiqi, rəsm, hərbi hazırlıq otaqları və bununla yanaşı, 4 STEAM otağı da təşkil edilib. Təhsil müəssisəsi müasir standartlara cavab verən mebel-inventar avadanlıqlarla təchiz edilərək müəllim və şagirdlərin istifadəsinə verilib”.

Qeyd edək ki, adıçəkilən məktəbdə tədris dövrü oktyabrın 8-dən başlayacaq.