Azərbaycana miqrant axınının ziyanı varmı? | İqtisadçıdan açıqlama

Mediada yayılan xəbərə görə, 2022-ci ilin mart ayından, yəni Ukraynada hərbi əməliyyatlar başlayandan 2024-cü ilin iyulunadək Azərbaycana 1 535 889 nəfər Rusiya və Ukrayna vətəndaşı gəlib.

Bu barədə Dövlət Statistika Komitəsinə istinadən məlumat verilib.

Bildirilib ki, Rusiya və Ukrayna vətəndaşları ölkəmizə ən çox 2023-cü ildə gəliblər. Onların sayı 656 mindən çox olub. 2022-ci ilin mart-dekabr aylarında ölkəmizə 421 614 nəfər, 2024-cü ilin yanvar-iyul aylarında isə 458 255 nəfər daxil olub.

Qeyd olunan göstəricilər Azərbaycanda 1 milyondan çox Rusiya və Ukrayna vətəndaşının yaşadığı təəssüratı yaradır.

Məsələ ilə bağlı Dövlət Miqrasiya Xidmətindən bildirilib ki, təkcə 2024-cü ilin ilk 6 ayı ərzində ölkə ərazisində müvəqqəti yaşamaq üçün icazə əldə edən Rusiya və Ukrayna vətəndaşlarının ümumi sayı 11 639 olub.

Bəs Azərbaycana digər ölkələrdən əhalinin kütləvi axın etməsi hansı nəticələrə gətirib çıxara bilər?