Pleyeri seçin:
Azərbaycanlı tələbə İbrahim Tağızadə böyük uğura imza atdı
ADA Universitetinin tələbəsi İbrahim Tağızadə Gürcüstanın Kutaisi şəhərində keçirilən informatika üzrə Cənubi Qafqaz Açıq Çempionatının fərdi mərhələsində bütün rəqiblərini üstələyərək birincilik əldə edib.
Onun üstün gəldiyi rəqibləri arasında erməni tələbələr də olub.
Məlumata görə, ilk onluqda daha iki azərbaycanlı tələbə yer alıb. Onlar Bakı Ali Neft Məktəbinin tələbəsi Emin Orucov və ADA Universitetinin tələbəsi Emil İnoçkindir. Tələbələr müvafiq olaraq 6-cı və 7-ci yerləri tutublar.
Qeyd edək ki, 11-16 dekabr 2023-cü il tarixlərində Gürcüstanın Kutaisi şəhərində keçirilən “48-ci ICPC – Universitet Tələbələrinin Beynəlxalq Proqramlaşdırma” müsabiqəsinin yarımfinal mərhələsində və “Cənubi Qafqaz Açıq Çempionatı”nda Azərbaycanı ümumilikdə 15 ali təhsil müəssisəsindən 20 komanda (hər komandada 3 tələbə və komanda rəhbəri) təmsil edib.
Kopyalandı
Seçilmişlər
