Bakıda Heydər Əliyevin 100 illiyinə həsr olunmuş beynəlxalq konfrans

“Heydər Əliyev həm keçmiş Sovet İttifaqında, həm də ölkəmizdə multikulturalizmin inkişafına mühüm təsir göstərib. Mübaliğəsiz demək olar ki, ümummilli lider Azərbaycanda müasir multikulturalizm modelinin banisidir”.

Bunu Milli Məclisin deputatı Nizami Səfərov Bakıda keçirilən “Heydər Əliyev – müasir müstəqil Azərbaycanın memarı və Azərbaycan multikulturalizminin banisidir” mövzusunda beynəlxalq konfransda deyib.

Tədbirdə çıxış edən Rusiya Dövlət Dumasının deputatı Kazbek Taysayev isə bildirib ki, Heydər Əliyev ölkə üçün ən ağır dövrdə hakimiyyətə gəlib.

Qeyd edək ki, tədbiri Azərbaycan Milli Məclisi və Müstəqil Dövlətlər Birliyinə üzv dövlətlərin Parlamentlərarası Assambleyası birgə təşkil edib.