Balam o gedən getdi | Tbilisidə yoxa çıxan azərbaycanlı qızın anası fəryad etdi

Gürcüstanda 21 yaşlı azərbaycanlı qız itkin düşüb.

Belə ki, azərbaycanlıların kompakt yaşadıqları Qardabani rayonunun Kosalı kənd sakini Aytac Məmmədovadan aprel ayının 1-dən məlumat yoxdur.

Ailə üzvlərinin Baku TV-yə verdikləri məlumata görə, 21 yaşlı Aytac Tbilisi Dövlət Universitetinin ikinci kurs tələbəsidir və o, təhsili ilə əlaqədar paytaxtda yaşayıb.

Aytacla ailəsinin son telefon danışığı isə dostunun doğum gününə getməsi barədə olub. Belə ki, anası ilə danışaraq səhəri gün imtahanının olduğunu və evə qayıdacağını deyib. Bundan sonra isə ondan xəbər almaq mümkün olmayıb.

Onu da bildirək ki, Aytac Məmmədovanın telefonu, çantası və ayaqqabısı Kür çayının yaxınlığında tapılıb. 21 yaşlı gəncin anası övladına nə olduğunu bilmədiyini deyir.

Gürcüstan Daxili İşlər Nazirliyindən verilən məlumata görə, Aytac Məmmmədovanın axtarışları istiqamətində bütün lazımi tədbirlər həyata keçirilir.