Bayramda şəhid anaları unudulmadı

Xaçmaz rayonunda 8 Mart – Beynəlxalq Qadınlar Günü münasibətilə bayram şənliyi keçirilib.

Tədbirdə şəhid anaları, şəhidlərimizin həyat yoldaşları və qız övladları, eləcə də müxtəlif sahələrdə çalışan fəal qadınlar iştirak ediblər.

Əvvəlcə Dövlət Himni səsləndirilib, ulu öndər Heydər Əliyevin və bütün şəhidlərimizin əziz xatirəsi bir dəqiqəlik sükutla yad edilib.

Tədbirdə iştirak edən xanımlara Xaçmaz Rayon İcra Hakimiyyəti tərəfindən fəxri fərman və hədiyyələr təqdim olunub.