Beyin şişi necə əmələ gəlir? | Sınaq keçirildi və üzə çıxdı ki…

Beynəlxalq alimlər qrupu bədxassəli beyin şişləri olan qliomaların inkişafı ilə bağlı genetik mutasiyaların yanğınsöndürənlərdə daha çox olduğunu aşkar edib.

Bu mutasiyalar alovun qarşısının alınmasında istifadə olunan kimyəvi birləşmələrdən qaynaqlanır.

Qliomanın inkişafı kimyəvi maddələrə məruz qalma kimi xarici amillərin səbəb olduğu DNT dəyişiklikləri ilə əlaqələndirilə bilər. Haloalkanlar tərkibində halogen atomları, ftor, xlor, brom olan və sənayedə geniş istifadə edilən birləşmələr qrupudur. Onlar nəfəs alma və ya dəri ilə təmas yolu ilə insan orqanizminə daxil olur.

Alimlər qrupu tədqiqatda iştirak edən 35 xəstədə beyin şişlərindəki mutasiyaları təhlil ediblər. Onlardan 17 nəfəri yanğınsöndürən kimi çalışıb.

Araşdırmanın həmmüəllifi, ABŞ-nin Yel Universitetinin professoru Elizabet Klausun sözlərinə görə, bu tapıntıların hələ də daha böyük bir nümunədə təsdiqlənməsi lazımdır.

Bununla belə, nəticələr artıq təhlükəli maddələrlə işləyən insanlar üçün peşə risklərinin və mümkün qoruyucu tədbirlərin öyrənilməsinin vacibliyini göstərir.