Biabırçı vəziyyətdəki məktəbdən şok görüntülər | "Uşağın üstünə aşsa, kim cavab verəcək?"
Xaçmaz rayonunun Mürşüdoba kənd məktəbinin hazırkı durumu valideynlərin narazılığına səbəb olub.
300-ə yaxın şagirdin təhsil aldığı məktəb binası, demək olar ki, yararsız vəziyyətdədir.
Baku TV-nin "Qaynar xətt"inə müraciət edən sakinlər aidiyyəti qurumlara səslənərək şagirdlərin təhlükəsiz və rahat təhsil alması üçün şəraitin yaradılmasını istəyirlər.
“Bu məktəb 80-90 ildir ki, fəaliyyət göstərir. Uşaqların belə şəraitdə təhsil alması çox təhlükəlidir. Divarlarda çatlar var, dam hər an uça bilər. Hasarlar isə aşmaq üzrədir. Hansısa uşağın üstünə aşsa, buna kim cavab verəcək?”, ‒ deyə sakinlərdən biri narazılığını bildirib.
Başqa bir sakin isə məktəbdəki antisanitar şəraitdən şikayətlənib: “Damdan su damır, qapı-pəncərə demək olar ki, yoxdur. Siçan iyindən isə sinifdə dayanmaq mümkün deyil. Uşaq iki gün məktəbə getsə, iki həftə xəstəxanada qalırıq”.
Quba-Xaçmaz Regional Təhsil İdarəsindən bildirilib ki, məktəbin mövcud vəziyyətindən xəbərdardırlar. Binanın əsaslı təmiri və yenidən tikintisi ilə bağlı məsələ qeydiyyata alınıb.
#Xaçmaz teqi istifadə olunub
- “Atası dedi ki, fikir vermə” | 17 yaşlı oğlan anasını amansızlıqla öldürdü?
- Xaçmazda azyaşlı avtomobildə həyatından oldu | "Yolu keçə bilməyiblər"
- Xaçmazda tanınmış oyma ustası Ədalət Pirverdiyev 5 gündür itkin düşüb - 24 SAAT
- "Buradan başqa yerdə ola bilməz" | İtkin düşən tanınmış şəxsin başına nə gəlib?
- “Kişiyə belə etmək olmaz!” | Qohum qandonduran hadisənin detallarını danışdı
