Birinci Qarabağ müharibəsində itkin düşmüş Məmmədov Mübariz torpağa tapşırıldı

Birinci Qarabağ müharibəsi zamanı itkin düşən Məmmədov Mübariz İlyas oğlu dəfn olunub.

Şəhid Keşlə qəsəbəsində yerləşən Şəhidlər xiyabanında Dövlət Himninin sədaları və yaylım atəşi altında torpağa tapşırılıb.

Mərasimdə şəhidin yaxınları, rəsmi şəxslər, ictimaiyyət nümayəndələri iştirak ediblər.

Qeyd edək ki, M.Məmmədov 1966-cı ildə Tovuzda anadan olub. 1992-ci ildə şəhid olan mərhumun nəşinin qalıqları Ağdam rayonun Sırxavənd kəndində aşkarlanıb.