Bizi qızğın döyüşlərin içindən çıxardı | Şəhid Aydın Qurbanovun komandiri danışdı

Sabunçu rayonunun Maştağa qəsəbəsində Birinci Qarabağ müharibəsində itkin düşdüyü hesab edilən və şəxsiyyəti müəyyənləşdirilən Qurbanov Aydın Əsədulla oğlu dəfn edilib.

Şəhidlə Sabunçu rayonunun Maştağa qəsəbəsində ailə üzvlərinə məxsus evdə vida mərasimi keçirilib. Daha sonra onun nəşinin qalıqları Maştağa qəsəbəsindəki Şəhidlər xiyabanında dəfn edilib.

Şəhidin oğlu bildirib ki, atasının sağ olduğuna ümid edirdi: “Atam rəhmətə gedəndə mənim 3 yaşım var idi, onu heç görməmişəm. Mənim ad günümü qeyd edib, ondan sonra müharibəyə gedib. Sağ olmağına ümid edirdik, artıq ən azından yerini bilirik. Onu yad edəcək yerimiz var”.