Pleyeri seçin:
“Blogerin əməliyyatda nə işi var?!” | Dövlət qurumu məsələyə görə hərəkətə keçdi
Xəbərlərimizi Google-da izləyin
Yeniliklərdən dərhal xəbərdar olun
Blogeri reklam çəkilişi üçün əməliyyat otağına salıblar.
Hadisə özəl klinikalardan birində qeydə alınıb. Belə ki, məşhur bloger Arifə Məmmədova sosial şəbəkə hesabında paylaşım edərək əməliyyata həkimlə birlikdə girdiyini, proses boyunca orada olduğunu vurğulayıb.
Onun bu addımı sosial şəbəkələrdə geniş müzakirələrə səbəb olub.
Əməliyyat otağına kənar şəxsin daxil olması və hər hansı video çəkilişin aparılması nə dərəcədə düzgündür?
Tibb üzrə ekspert Adil Qeybulla hesab edir ki, xəstəyə aid məlumatların maraq naminə ictimailəşdirilməsi yolverilməzdir və qanunvericiliyə ziddir.
“Xəstə sirrinin bu cür yayılması hüquqa ziddir. Blogerlər də öz fəaliyyətlərinin sərhədlərini bilməlidirlər. Onlar başa düşməlidirlər ki, bəzi hallarda hərəkətləri hüquqi məsuliyyətə səbəb ola bilər. Əməliyyat otağına kənar şəxslərin, xüsusilə də blogerlərin daxil olması yolverilməzdir. Blogerin əməliyyat otağında nə işi var?! Bu səbəbdən lisenziya sisteminə keçid vacibdir ki, hər kəs öz yerini və səlahiyyətini bilsin”, – deyə ekspert qeyd edib.
Məlum görüntülərlə bağlı Səhiyyə Nazirliyindən bildirilib ki, məsələ Analitik Ekspertiza Mərkəzində yaradılan işçi qrupu tərəfindən ciddi şəkildə araşdırılacaq və müvafiq tədbirlər görüləcək. Araşdırmanın nəticələri barədə ictimaiyyətə məlumat veriləcək.
Kopyalandı
Seçilmişlər
