Bölgələrə görə yaşlıların sayı nə qədərdir?

Azərbaycanın bölgələrində "demoqrafik qocalma"nın miqyası çox fərqlidir.

Bir sıra yerli iqtisadçı ekspert iddia edir ki, pensiya yaşından yuxarı əhalinin ümumi əhaliyə nisbəti Yardımlıda 6,5 faiz, Saatlı və Cəlilabadda 7 faiz, Biləsuvarda 7,5 faiz təşkil edir. Bu göstərici Qazax, Qax, Gədəbəy, Zaqatala kimi rayonlarda 11-11,5 faiz təşkil edir. 2 qrup bölgə arasında fərq 50 faiz ətrafındadır.

Azərbaycanın bölgələri arasında kəskin “qocalma” fərqi də yetəri qədər diqqətçəkəndir. Mütləq rəqəmlər üzərindən baxdıqda, 57 min nəfərlik Qaxda 7 min, 111 min nəfərlik Saatlıda isə 7,8 min pensiya yaşından yuxarı əhali var. Əslində, gerçək rəqəmlər üzərindən bölgələrin sağlamlıq və orta yaş xəritəsinin hazırlanması son dərəcə vacibdir.

Ölkədə statistika yanaşması yetəri qədər açıq olmadığı üçün bölgələrlə bağlı ən vacib və sadə məlumatları belə tapmaq mümkün deyil. Hətta əhalinin sayını belə dəqiq bilmək üçün min cür dolayı üsullara əl atmağa məcbur qalırıq.

“Məsələn, şagird sayı gizlədilməsi mümkün olmayan statistika olduğu üçün əhalinin 10 min nəfərinə düşən sayı ilə daxili miqrasiyanın təxmini miqyasını hesablamağa çalışırıq”, – deyə ekspertlər qeyd edirlər.