Boranıkəndin qaz problemi: Gedirik kol-kos yığmağa, ekologiya bizi cərimə edir

Salyanın Boranıkənd sakinləri qış qabağı yaşadıqları evləri tərk etmək məcburiyyətində qalıblar.

Belə ki, kənddə qaz sistemi illər əvvəl çəkilib. Lakin kəndin köhnə Bakı-Astara şosesi yaxınlığındakı bir hissəsi bu sistemdən məhrumdur. Burada isə 30-40 ailə yaşayır. Qaz xətti ilə kənd sakinlərini isə cəmi 500-600 metr məsafə ayırır.

“Gedirik kol-kos yığmağa, Ekologiya bizi cərimələyir. Qaz idarəsi vəzifə borcunu niyə yerinə yetirmir?”, – kənd sakini deyib.

Məsələ ilə bağlı “Azəriqaz”dan bildirilib ki, regionlarda qazlaşma prosesi mərhələli şəkildə həyata keçilir. Növbəti mərhələdə bu yaşayış məntəqəsinin qazlaşması reallaşacaq.