Bu ayaqqabılar barmaqların deformasiyasına və qan dövranının pozulmasına səbəb ola bilər

"Yay ayaqqabısının düzgün seçilməməsi sağlamlıq üçün mənfi nəticələrə yol aça bilər".

Bunu rusiyalı travmatoloq-ortoped Antonina Zavadskaya deyib.

Həkimin sözlərinə görə, yay üçün ayaqqabı seçərkən ortopedik xəstəliklərdən və zədələnmə riskindən qorunmaq üçün onun konstruksiyasına xüsusi diqqət yetirmək lazımdır.

Xüsusilə, daban hissəsinin olmaması ayağın dayanıqlığını azaldır ki, bu da müxtəlif zədələrə səbəb ola bilər. Dar burunlu ayaqqabılar isə ayağın ön hissəsini həddindən artıq sıxdığı üçün barmaqların deformasiyasına və qan dövranının pozulmasına gətirib çıxarır.

Platformalı ayaqqabılarda tənzimlənən bərkidicilərin olmaması da zədələnmə riskini artırır. Bundan əlavə, altlığın sərtliyi və hündürlüyü yerişin təbii biomexanikasını pozur.

Yay üçün optimal seçim hündürlüyü 2-4 santimetr olan dayanıqlı dabanlı, geniş ön hissəyə malik, tənzimlənən bərkidiciləri və etibarlı arxa hissəsi olan ayaqqabılardır.

Həkim əlavə edib ki, elastik və sürüşməyən altlığın olması da ayaqqabının rahatlığı baxımından mühüm üstünlük hesab olunur.