Bu eynəklər katarakt yarada bilər | Həkimdən xəbərdarlıq

Günəş eynəkləri sadəcə dəbli aksesuar olmaqdan artıq çıxıb. Onlar həm də gözlərimizi ultrabənövşəyi şüaların təsirindən qorumaqda çox mühüm rol oynayır. Lakin bütün günəş eynəkləri bu baxımdan eyni dərəcədə effektiv deyil.

“News.ru”nun verdiyi məlumata görə, bu barədə rusiyalı oftalmoloq Anton Kazantsev xəbərdarlıq edib.

Onun sözlərinə görə, günəş eynəklərinin keyfiyyətini müəyyən edən əsas amil ultrabənövşəyi şüalardan maksimum qorunmanı təmin edən "UV 400" markalanmasının olmasıdır.

"Təəssüf ki, büdcə seqmentində belə markalanması olan eynəklər tapmaq kifayət qədər çətindir. Bu marka dalğa uzunluğuna qədər bütün zərərli şüaları süzə bilən yüksək keyfiyyətli linzaların yaradılması xüsusi texnologiyalar və sertifikatlaşdırma tələb edir ki, bu da qaçınılmaz olaraq məhsulun qiymətinə təsir göstərir", ‒ deyə həkim bildirib.

Bəs lazımi UV qoruması olmayan ucuz günəş eynəklərini seçdikdə nə baş verir?

A.Kazantsevin sözlərinə görə, nəticələr çox ciddi ola bilər.

"UV filtrləşdirməsi olmayan tündləşdirilmiş linzalar bəbəyi genişləndirir, nəticədə gözün torlu qişasına düşən ultrabənövşəyi şüaların axını artır. Bu isə öz növbəsində katarakta və fotokeratit kimi xəstəliklərin inkişaf riskini artırır", ‒ deyə həkim sözlərini yekunlaşdırıb.