Eynək taxmamağın fəsadları üzə çıxdı | Gözlərinizi bu yollarla qoruyun

“Əlbəttə, günəşli havada eynək taxmamaq tamamilə korluğa gətirib çıxara bilməz, lakin görmə qabiliyyətini əhəmiyyətli dərəcədə pisləşdirə bilər”.

Bunu Gazeta.ru-ya həkim oftalmoloq Svetlana Mirqorodskaya deyib.

Onun sözlərinə görə, intensiv Günəş işığı fotoreseptorlara və tor qişasının piqment epitelinə zərər verə bilər, bu da görmə qabiliyyətinin aşkar dərəcədə azalmasına səbəb olacaq.

Oftalmoloq vurğulayıb ki, günəş tutulmasına göz qoruması olmadan baxmaq xüsusilə təhlükəlidir.

“Yadda saxlamaq lazımdır ki, hətta parlaq günəş işığı da gözləriniz üçün müəyyən təhlükə yaradır. Günəşli havalarda gün eynəyi taxmaq gözlərinizin sağlamlığını qorumaq üçün vacibdir. Bu baxımdan gün eynəyinin üzərindəki ultrabənövşəyi filtr markalanmasına diqqət yetirərək, eynəyinizi düzgün şəkildə seçməlisiniz”, – deyə həkim bildirib.