Bu içkilər hansı xəstəliklərə yol aça bilər? | Alimlərdən vacib xəbərdarlıq

Şirin qazlı içkilərin müntəzəm istehlakı orqanizmə bərpaolunmaz ziyan vura bilər.

Bu içki həzm sisteminə zərər verir, sümükləri kövrəkləşdirir və ürək-damar xəstəlikləri riskini artırır.

Alimlər müəyyən ediblər ki, bu cür içkilərin həvəskarları ömrünü 8-10 il azaldır və ciddi xəstəliklərə tutulma ehtimalını artırır. Qazlı içkilər ürək-damar xəstəliklərinin inkişafına səbəb olur.

Araşdırmalar göstərir ki, müntəzəm olaraq şirin qazlı içki istehlak edən insanlarda infarkt və insult riski 34% artır. Bu içkilər orqanizmdə iltihabi prosesləri artırır, hüceyrələrin yaşlanmasını sürətləndirir və damar sisteminin işinə mənfi təsir göstərir.

Bu içkilər böyük miqdarda şəkər və süni şirinləşdiricilər ehtiva etdiyi üçün çəki artımına və ikinci tip şəkərli diabetin inkişafına səbəb ola bilər.

Həddindən artıq şəkər qəbulu insulinin müqavimətini azaldır və maddələr mübadiləsini pozur. Bundan əlavə, diş minasını aşındırır, orqanizmdən kalsiumu çıxarır və sümükləri kövrək edir. Həmçinin böyrəklərdə daş yaranması riskini artırır. Əsəbilik yaradır, yuxu keyfiyyətini pisləşdirir və xroniki yorğunluğa gətirib çıxarır.

Enerjini, gəncliyi və yaxşı sağlamlığı qorumaq üçün bu içkiləri təmiz su, bitki çayları və ya təbii şirələrlə əvəz etmək tövsiyə olunur.