Bu məhsulu istifadə edənlər həm daha çox yaşayır, həm də…

Zeytun yağının yaşlı insanlar üçün faydaları mövcuddur.

Diyetoloq Yelena Solomatina bildirib ki, zeytun yağı ürək-damar sisteminə müsbət təsir edir. Məhsul ürəyin fəaliyyətini yaxşılaşdırmağa kömək edən “Omeqa-9” kimi turşularla zəngindir.

Araşdırmalara görə, iki həftə ərzində bir xörək qaşığı miqdarda zeytun yağının müntəzəm istehlakı ürək əzələsinin vəziyyətinə müsbət təsir göstərir.

Diyetoloqun fikrincə, yaşlı insanların qan damarlarına qulluq etməsi vacibdir. Çünki zamanla orqanizmdə qanın mikrosirkulyasiyası pozulur. Bu da öz növbəsində orqan və toxumaların vəziyyətinə mənfi təsir göstərir.

Qeyd edək ki, daha əvvəl mütəxəssislər zeytun yağının bədəni formada saxlamaq üçün faydalı olduğunu bildiriblər. Harvard Tibb Məktəbinin alimləri belə qənaətə gəliblər ki, pəhrizdə kərə yağı və mayonez zeytun yağı ilə əvəz edilsə, ömrü uzadar. Tədqiqat zamanı 90 mindən çox könüllü 28 il ərzində hər dörd ildən bir pəhrizləri ilə bağlı anket doldurub.