Bu yolla dələduzluğun qurbanı ola bilərsiniz! - DİN-dən xəbərdarlıq
Vətəndaşların bank kartlarından mayın 7-də 30 min manatdan çox pul oğurlanıb.
Bu barədə Daxili İşlər Nazirliyindən məlumat verilib.
Məlumatda gələn hər zəngə və mesaja qarşı diqqətli olmaq, bank kartı məlumatlarını paylaşmamaq tövsiyə olunub:
"Vətəndaşların bank kartlarından oğurluqlar davam edir. Kartın üzərindəki CVV/CVC kodu, SMS vasitəsilə göndərilən OTP kodu, digər sizə məxsus sistemlərə giriş üçün lazım olan loqin və şifrələr, kartın PİN kodu məxfi məlumatlardır. Bu məlumatlar naməlum şəxslərə verildiyi halda hesabınızda olan pullar, yaxud pul yoxdursa, kredit formasında sizə zərər vuracaq".
"Bir daha vətəndaşlara şübhəli zənglərdən gələn cəlbedici qazanc, sığorta, viza işləri, bank hesablarının möhkəmləndirilməsi, mədaxil üzrə ödənişlərlə əlaqəli təkliflərə diqqətlə yanaşmağı tövsiyə edirik. Qəti formada şəxsi bank məlumatlarını naməlum şəxslərə verməyin, təhlükə var", – deyə qeyd olunub.
#Daxili İşlər Nazirliyi teqi istifadə olunub
- Bayram süfrəsində mübahisə | Dostlardan biri xəstəxanalıq oldu - Baku TV
- "Bu işdə tək deyil" | Mərhum Xalq artisti Ramiz Əzizbəylinin kürəkəni dələduzluq edib? - Baku TV
- Qadınların görüntülərini montaj edib pul tələb edən gənc saxlanıldı - Baku TV
- Xocavənd rayonunda mina hadisəsi baş verib - Baku TV
- Avtobusda cibgirlik etdiyi an kameraya düşdü - Baku TV
