Bura niyə paytaxtın ən riskli kəsişmələrindən birinə çevrilib? - NECƏ OLMALIDIR?

“Necə olmalıdır?” rubrikasının yeni buraxılışında Azadlıq prospekti ilə Süleyman Sani Axundov küçəsinin kəsişməsindəki problemlər barədə məlumat verilib.

Qeyd edilib ki, sıxlığın çox olduğu saatlarda burada hərəkət çətinləşir və qəza riski yaranır.

Bildirilib ki, Rəsulzadə qəsəbəsi istiqamətində isə həm sürücülər, həm də piyadalar çətinliklə üzləşirlər:

“Bu istiqamətdə səki yoxdur. Səki yalnız yolun əks tərəfində yerləşir. Lakin oraya keçmək üçün piyada keçidi nəzərdə tutulmayıb”.

O da əlavə edilib ki, ərazidə bir qədər irəlidə yol nişanına görə də sıxlıq yaranır:

“Belə ki, məlumatverici nişan sol zolaqdan düzünə hərəkətə icazə vermir. Sıxlıqda qalmaq istəməyən bəzi sürücülər isə sol zolaqla hərəkət edərək sonradan sağ zolağa keçirlər. Bu isə sağ zolaqda hərəkətin yavaşlamasına və əlavə sıxlığın yaranmasına səbəb olur”.