Burun tıxanıqlığının bilmədiyiniz səbəbləri | Həkim kimlərə xəbərdarlıq etdi?

Burun tıxanıqlığının səbəbləri arasında gizli allergiya və asidik reflüks də ola bilər.

Bu barədə britaniyalı terapiya həkimi Elli Kannon “Daily Mail” nəşrinə bildirib.

Həkim qeyd edib ki, bəzi insanlar yemək yedikdən sonra burun tıxanıqlığını hiss edə bilərlər. Bu, iki səbəbdən baş verə bilər. Burun axıntısı, asqırma və burun dəliklərində sıxılma hissi, müəyyən qidaların, allergenlər ehtiva edən məhsulların istifadəsi nəticəsində meydana gələ bilər. Lakin bəzən allergik rinit, yəni burun boşluğunun selikli qişasının iltihabı yüngül şəkildə özünü göstərir ki, bu da həyat keyfiyyətini əhəmiyyətli dərəcədə ağırlaşdırmır. Amma narahatlıq yaradır.

Digər bir burun axıntısının risk faktoru isə turşuluq və ya asidik reflüksdür ki, bu da mədə məzmununun qida borusuna qeyri-iradi keçməsidır. Bəzi hallarda turşu daha da yüksələrək boğaza, burun-boğaz boşluğuna çatır. Adətən bu, yeməkdən sonra baş verir.

Dr. Kannon əlavə edib ki, bəzən burun tıxanıqlığı yalnız bir kanalda yaranır. Bu patologiyanın dəqiq səbəbləri məlum olmasa da, "tək tərəfli" burun axıntısı poliplərin böyüməsinin nəticəsi ola bilər.