Çavuşoğludan azərbaycanlı könüllülərlə bağlı paylaşım
Türkiyənin xarici işlər naziri Mövlud Çavuşoğlu Kahramanmaraşda zərərçəkənlər üçün salınan çadır şəhərciyində könüllü çalışan azərbaycanlı gənclərlə görüşüb.
Nazir bu barədə tviter hesabında paylaşım edib. Çavuşoğlu verdiyi dəstək üçün Azərbaycana təşəkkürünü bildirib. O, könüllülərlə xatirə fotosu da çəkdirib.
Bildirək ki, Kahramanmaraş, Hatay, Adıyaman və Malatya bölgələrindəki çadır şəhərciklərində fəaliyyət göstərən gənclərimiz zərərçəkənlərin qida və geyimlə təmin olunmasında iştirak edirlər. Könüllülər həmçinin zərərçəkənlərə ilkin tibbi yardım göstərir, yüzlərlə uşağa psixoloji dəstək verir və onlarla oyunlar oynayırlar.
Qeyd edək ki, gənclərimiz 2 həftədən artıqdır çadır şəhərciyində məskunlaşan zərərçəkənlərə könüllü xidmət göstərirlər.
![icon](/images/loading.png)