Çin avtomobillərinin ehtiyat hissələri niyə tapılmır? | Sürücüləri narahat edən məqamlar

Azərbaycan avtomobil bazarında son illərin trendinin Çin avtomobilləri olduğunu desək, yanılmarıq.

Görünüşü, əksər insanların büdcəsinə uyğun qiyməti ilə seçilən bu avtomobillərə maraq böyükdür. Çindən gətirilən avtomobillərin taksi bazarında da kifayət qədər xüsusi yeri var.

Sürücüləri narahat edən əsas məqam isə bu avtomobillərin ehtiyat hissələrinin heç də asan tapılmamasıdır.

“Özüm də Çin avtomobili almaq istəyirəm, amma qorxuram, çünki burada ehtiyat hissələrini tapmaq çox çətindir. Ətrafla da maraqlanmışam, onlar da məsləhət görmürlər, deyirlər ki, ehtiyat hissələrini tapa bilməyəcəksən”, – deyə sürücü bildirib.

Sahil usta deyir ki, ölkəmizdə Çin avtomobil ehtiyat hissələrinin 50 %-ni tapmaq mümkündür. Bu səbəbdən də sürücülərin əksəriyyəti “ölüxana” adlanan yerlərə üz tuturlar, lakin avtomobillər yeni olduğundan onların ikinci əl ehtiyat hissələri burada tapılmır.

Ekspertlər hesab edirlər ki, 2025-ci ilin sonuna qədər bu problem aradan qalxacaq.