Çiyələyin qiyməti günü-gündən aşağı düşür | Fermerlər narazıdır

Son illər Cəlilabadda əkilən çiyələk sahələrinin sayı artmaqdadır.

Keçən ilə nisbətən bu il təqribən 50 hektardan artıq sahədə çiyələk əkilib.

Amma qiymətlərdə müşahidə olunan ucuzlaşma fermerləri narahat edir.

“Kilosu iki manat səksən qəpiklə başlayan çiyələk hazırda 1 manat 30 qəpiyə kimi düşüb. Bu, yerli bazarda məhsulun çox olması ilə bağlıdır. Gübrələrin, işçilərin qiyməti qalxır, lakin çiyələyin qiyməti günü-gündən aşağı düşür”, – fermer deyib.