Çox istifadə olunan bu dərmanlar təhlükəlidir | Həkim həyəcan təbili çaldı

Əczaxanalarda arıqlamaq istəyən insanlara şəkərli diabet xəstələri üçün olan dərmanlar tövsiyə edilir.

Sözügedən dərmanlar isə reseptsiz satılır.

Bəs maraqlıdır, şəkər xəstəsi olmayan şəxslərin belə dərmanlardan istifadə etməsi nə dərəcədə doğrudur?

Mütəxəssislər bildirirlər ki, bu dərmanlardan davamlı istifadə böyrəklərdə problem yaratmaqla yanaşı, sümük əriməsinə də gətirib çıxara bilər.

Məsələ ilə bağlı Səhiyyə Nazirliyi Analitik Ekspertiza Mərkəzindən bildirilib ki, bu dərmanların reseptsiz satışı qanun pozuntusudur:

“Apteklərdən dərman vasitələrinin əksəriyyəti resept əsasında buraxılmalıdır. O cümlədən şəkərli diabet xəstəliyində istifadə olunan metformin-hidroxlorid tərkibli dərman vasitələri apteklərdən mütləq qaydada resept əsasında buraxılmalıdır. Sözügedən məsələ ilə bağlı qanun pozuntusu aşkarlandıqda inzibati tənbeh tədbirləri görülür”.