Daxili İşlər Nazirliyindən vətəndaşlara ciddi xəbərdarlıq

Sosial şəbəkələrdə bank kartı məlumatlarının oğurlanması ilə bağlı yeni səs yazısı paylaşılıb.

Bu dəfə kibercinayətkarlar sadə vətəndaşlara şəxsi məlumatları ilə bağlı daha dolğun informasiya verərərək onları aldadırlar.

Sosial şəbəkələrdə yayılan səsdə bildirilib ki, kibercinayətkarlar vətəndaşın bank kartı haqqında xeyli məlumata malikdirlər. Hətta kartdakı rəqəmləri belə düzgün bilirlər.

Zərərçəkənin sözlərinə görə, kiberdələduzlar həmçinin kartın arxasındakı 3 rəqəmli kodu onlara bildirmədiyi halda guya Dövlət Təhlükəsizlik Xidmətinə çağırılacağı barədə hədə-qorxu gəliblər. Bütün bunların yalan olması isə bank əməkdaşlarının telefon zəngindən sonra bəlli olub.

Bəs kiberdələduzlar bank müştərilərinə məxsus şəxsi məlumatları necə əldə edə bilərlər?

Məsələ ilə əlaqədar Daxili İşlər Nazirliyinin Mətbuat Xidməti də vətəndaşlara müraciət edib. DİN-dən bildirilib ki, vətəndaşlar belə hallarla qarşılaşdıqda polisə məlumat versinlər: “Bu cür hallarla üzləşən vətəndaşlar DİN-in “102” xidməti, eləcə də sosial şəbəkələrdəki nazirliyin səhifələrinə yaza bilərlər”.