Dələduzlar bu yolla pullarınızı oğurlayır | DİN-dən əhaliyə xəbərdarlıq
Daxili İşlər Nazirliyi kibertalamalarla bağlı vətəndaşlara çağırış edib.
Çağırışda bildirilib:
“Dələduzlar sizə zəng edərək, mesaj yazaraq və ya link göndərərək “mütəxəssislərimiz kartınıza kibermüdaxilənin edildiyini aşkarlayıb, kartınızdakı vəsait hər an oğurlana bilər. Xahiş edirik, pulunuzun təhlükəsizliyi üçün kart məlumatlarınızı təqdim edin”, ‒ deyə sizdən bank kartınızın məxfi məlumatlarını tələb edə bilərlər.
Hətta görüntülü zəng etməklə sizi daha da özünə inandırıb yönləndirə, təlimatlar verib telefonunuzun dilini dəyişdirərək kartınızdakı pulu oğurlaya bilərlər. Bir daha qeyd edirik ki, heç bir halda bank əməkdaşı vətəndaşa zəng edib ondan bank kartının məxfi şifrələrini istəmir, bunun üçün link, SMS, yaxud elektron məktub göndərmir. Hansısa şübhəli əməliyyat aşkarladıqda, hətta sistemdə çətinliklər yaransa belə, heç bir bankın əməkdaşının sizdən məxfi kart məlumatlarını soruşmağa ehtiyacı yoxdur.
Bank əməkdaşı sizdən yalnız kartınızın ilk və ya son 4 rəqəmini, sistemdə qeydiyyatda olan əlaqə nömrəsini və şəxsiyyət vəsiqənizin FİN kodunu istəyə bilər. Anlamalıyıq ki, bank kartınızın tam nömrəsini, PİN, CVV, OTP kodlarını və digər şəxsi məlumatları istəyən, sizə SMS göndərən şəxslər dələduzlardır. Onlara inanmayın, şübhələndiyiniz ilk anda zəngi sonlandırın və polisə müraciət edin. Gəlin, kartınızın təhlükəsizliyini birgə qoruyaq!”.
#Daxili İşlər Nazirliyi teqi istifadə olunub
- "Hamısını kəsib-doğrayıblar, üstünü də torpaqla..." | "Ağ Şəhər” ərazisində nə baş verib? - Baku TV
- Bakıda mərhum Xalq artistinin oğlunu niyə döydülər? - ANA XƏBƏR
- Bakıda mərhum Xalq artistinin oğlunu döydülər - Baku TV
- Yasamalda oğurluq edən qadın saxlanıldı - Baku TV
- “Oraları da qar basıb, keçmək olmur” | Lənkəran-Lerik yolunda təhlükəli vəziyyət - Baku TV
