Dələduzlar niyyətlərinə çatmaq üçün görün nələrə əl atır | Ekspertlərdən xəbərdarlıq

Kibercinayətkarlar viruslu avadanlıqları məşhur bazarlarda sata bilərlər.

Bu barədə ekspertlər xəbərdarlıq ediblər.

Quraşdırılmış zərərli proqram təcavüzkarlara səssizcə məlumat toplamağa, istifadəçilərin hərəkətlərinə nəzarət etməyə və cihazlardan öz məqsədləri üçün istifadə etməyə, onları botnetlərin bir hissəsinə çevirməyə imkan verir.

İnternet analitiki Marina Probets bildirib ki, kiberdələduzların motivləri müxtəlif ola bilər. Onların arasında maliyyə və şəxsi məlumatların oğurlanmasından tutmuş kriptovalyuta “mining”i – mədənçiliyinə qədər çox səbəb var:

“Ola bilsin ki, bunun arxasında həm fərdi hakerlər, həm də mütəşəkkil qruplar dayanır, böyük auditoriyaya və nisbi anonimliyə görə bazarlardan zərərli proqramların yayılması üçün platforma kimi istifadə edirlər”.

Buna görə də bahalı texnikaları daha ucuz qiymətə təklif edir və qismən niyyətlərinə çatırlar. Çox vaxt qulaqlıqlar, radio ilə idarə olunan oyuncaqlar və ya elektron siqaretlər kimi cihazlar şarj aparatı olmadan yalnız USB kabel ilə təchiz edilir və istifadəçilərə qadceti kompüterin USB portu vasitəsilə doldurmaq tövsiyə edilir.

“USB portundan istifadə potensial hücum vektoruna çevrilə bilər, çünki tərtibatçılar tərəfindən qoşulmuş cihazın proqram təminatına hansı funksiyaların daxil edildiyini, eləcə də onun zəifliklər və gizli imkanlar üçün nə dərəcədə hərtərəfli sınaqdan keçirildiyini dəqiq bilmək mümkün deyil”, – ekspert qeyd edib.

Bundan əlavə, USB kabellər və ya adapterlər vasitəsilə zərərli proqramlara yoluxma riski var. Bu cür təhdidlərə misal olaraq “BadUSB hücumunu göstərmək olar.

Bundan başqa, onlayn platformalarda alınan ucuz veb-kameralar videoları gizli şəkildə internetdə yayımlayır. Yəni istifadəçilərin şəxsi məlumatları ictimailəşə bilir. “Wi-Fi”la çalışan uşaq oyuncaqları da belə hücumlara həssasdır. Hakerlər evdəki söhbətləri dinləmək fürsəti qazanırlar.