Dövlət Xidmətindən kibertəhlükəsizliklə bağlı xəbərdarlıq

Xüsusi Rabitə və İnformasiya Təhlükəsizliyi Dövlət Xidməti dövlət qurumlarının mövcud və yarana biləcək təhlükələrdən qorunması məqsədilə informasiya təhlükəsizliyi üzrə audit və monitorinqlərini davam etdirir.

Xidmətin yaydığı məlumata görə, dövlət qurumlarının əməkdaşları üçün həyata keçirilən maarifləndirmə tədbirlərinə baxmayaraq, birinci rüb ərzində bir sıra dövlət qurumlarının əməkdaşları kibergigiyena qaydalarına riayət etməyərək haker hücumlarının qurbanına çevriliblər. Onların arasında Nazirlik və Rayon İcra Hakimiyyətləri də var.