Deputatın qadınlarla bağlı çıxışı qalmaqala səbəb oldu | Ailəli qadınlara işdə güzəştlər olacaq?

Milli Məclisdə deputat Tahir Rzayevin ailəli və uşağı olan qadınların işə bir saat gec gəlməsi, işdən bir saat tez çıxması ilə bağlı Əmək Məcəlləsinə dəyişiklik təklif etməsi cəmiyyətdə müzakirələrə səbəb olub.

Baku TV mövzu ilə bağlı paytaxt sakinlərinin rəyini öyrənməyə çalışıb.

Deputatın bu fikirlərini dəstəkləyənlər də var, düzgün hesab etməyənlər də olub.

“Qadınlarla kişilərin hüquqları eyni olmalıdır. Eyni vaxtda işə gəlib-getməli, eyni şərtlərlə işləməlidirlər”, – paytaxt sakini söyləyib.

Millət vəkili Fazil Mustafa isə bu dəyişikliyi dəstəklədiyini bildirib:

“Bakıda tıxacların ənənəvi hal olduğunu nəzərə alsaq, xüsusən qadınlar evinə 1-2 saat gec çata bilirlər. Belə bir dəyişikliyin edilməsini dəstəkləyirəm. Qadınlarımızın əmək fəaliyyətinin stimullaşdırılmasına xidmət edər. Nə qədər sıxıntıda olsalar da, bir çox qadınlar məhz bu amilə görə işləməyə səy göstərmirlər”.