Cəmiyyət
Pleyeri seçin:
DİM Azərbaycan dili imtahanı keçirdi
Bu gün Dövlət İmtahan Mərkəzi tərəfindən tədrisi Azərbaycan dilindən fərqli dillərdə aparılan ümumi təhsil müəssisələrinin 9-cu və 11-ci sinif şagirdləri, həmçinin ali və orta ixtisas təhsili müəssisələrinə qəbul imtahanını Azərbaycan dilindən fərqli dildə verən əvvəlki illərin məzunları üçün Azərbaycan dili (dövlət dili kimi) fənni üzrə test imtahanı keçirilib. İmtahanda ümumilikdə 23 mindən artıq şagird(abituriyent) iştirak edib.
DİM-dən verilən məlumata görə, 1 nəfərdə mobil telefon aşkarlandığı üçün imtahandan xaric olunub. Bundan əlavə, 1 nəfərdə yoluxucu xəstəlik – qızılca müşahidə olunduğu üçün binada olan təcili tibbi yardım üzrə həkimin rəyinə uyğun olaraq imtahana buraxılmayıb.
İmtahan nəticələrinin 2 həftə ərzində elan edilməsi nəzərdə tutulur.
Kopyalandı
Seçilmişlər
