DİN-dən parkda yaşayan mingəçevirli kişi ilə bağlı təcili açıqlama

Mingəçevir sakini Vitali Zeynalovun 10 gündən artıqdır parkda gecələməsi ilə bağlı material Baku TV-nin efirində yayımlanıb.

O iddia edirdi ki, oğlu və keçmiş həyat yoldaşı iki evini satıblar.

Qocalar evinə yerləşmək istəyən 69 yaşlı şəxslə bağlı artıq Daxili İşlər Nazirliyinin əməkdaşları da hərəkətə keçiblər.

“Parkda gecələyən Mingəçevir şəhər sakini Vitali Zeynalov polis və digər aidiyyəti dövlət qurumunun əməkdaşlarının iştirakı ilə müayinə olunması üçün xəstəxanaya yerləşdirilib. Müayinələr yekunlaşdıqdan sonra V.Zeynalovun sığınacağa yerləşdirilməsi təmin olunacaq”, – deyə Daxili İşlər Nazirliyinin əməkdaşı Mahir Məsimov bildirib.