DİN-dən sosial şəbəkə istifadəçilərinə xəbərdarlıq | Bu şəxslərə ödəniş etməyin!
Sosial şəbəkələrdə “falçılıq”, “baxıcılıq” və digər adlar altında şirnikləndirici paylaşımlarla vətəndaşların aldadılaraq, pul vəsaitlərinin mənimsənilməsi ilə bağlı polis orqanlarına daxil olan müraciətlər diqqət mərkəzində saxlanılmaqla araşdırılır.
Bu barədə Daxili İşlər Nazirliyinin (DİN) Mətbuat Xidmətinin əməkdaşı, polis leytenantı Lumu İsrafilli bildirib.
Onun sözlərinə görə, bu kimi hallarda özünü “falçı” və ya “baxıcı” kimi təqdim edən şəxslər vətəndaşlardan müxtəlif məbləğlərdə ödəniş tələb edir, onlayn köçürmə yolu ilə pulu aldıqdan sonra isə sosial şəbəkə hesablarını bloklayaraq məsuliyyətdən yayınırlar.
Lumu İsrəfilli vurğulayıb ki, vətəndaşlardan mənimsənilən məbləğin miqdarına görə bu cür faktlar üzrə inzibati və ya cinayət işi açılır.
DİN rəsmisi sosial şəbəkə istifadəçilərinə bu tipli elanlara inanaraq ödəniş etməmələri və şəxsi məlumatlarını tanımadıqları şəxslərlə paylaşmamaları barədə xəbərdarlıq edib.
#Daxili İşlər Nazirliyi teqi istifadə olunub
- Masazırda söyüş söyüb, "Gelandewagen"i "Kia"ya çırpan sürücü barədə tədbir görüldü - Baku TV
- Yerin altında görün nə gizlədirmiş | Novxanıdakı əməliyyatdan anbaan görüntülər - Baku TV
- DİN Zığda baş verən kütləvi davanın rəsmi detallarını açıqladı - Baku TV
- Bankların adından saxta kredit səhifələri yaratmaqda şübhəli bilinən şəxslər saxlanılıb - Baku TV
- Onlayn kazino şəbəkəsinə ağır zərbə | Saxlanılanlar var - Baku TV
