Dişlərinizi yuyarkən diqqətli olun, yoxsa… | Rusiyalı stomatoloqdan mühüm xəbərdarlıq

Kariyes dünyada ən çox rast gəlinən stomatoloji xəstəliklərdən biridir. Lakin diş həkimi tərəfindən uğurlu müalicə olunsa da, kariyes bəzən təkrarən qayıda bilir. Bəs bunun səbəbi nədir?

Rusiyalı mütəxəssis Liliya Kuzmenkovanın sözlərinə görə, dişlərin çox tez və ya diqqətsiz təmizlənməsi, bəzi hissələrin gözardı edilməsi mikroblar üçün əlverişli mühit yaradır. Hər bir diş səthinə xüsusi diqqət yetirmək lazımdır.

Onun fikrincə, kalsium, fosfor və D vitamini kimi vacib maddələrin çatışmazlığı diş minasını zəiflədir və kariyesə qarşı müqaviməti azaldır. Balanslaşdırılmış qidalanma diş sağlamlığı üçün vacibdir.

O həmçinin şəkər istehlakını minimuma endirməyi tövsiyə edib.

Stres və yuxu çatışmazlığı tüpürcək ifrazını azalda bilər, halbuki tüpürcək dişləri kariyesdən qoruyan təbii bir mənbədir.

Mütəxəssis vurğulayıb ki, bu amillərə diqqət yetirərək dişlərin sağlamlığını qorumaq mümkündür.