“Düşmən”in yerüstü hədəfləri belə məhv edildi | MN-dən məlumat

2024-cü ilin hazırlıq planına əsasən, Hərbi Hava Qüvvələrinin helikopter bölmələri ilə döyüş atışlı təlim keçirilib.

Uçuşdan əvvəl tapşırıqlar xəritə üzərində dəqiqləşdirilib, hədəf hesabatı aparılıb. Şəxsi heyətə təhlükəsizlik qaydaları çatdırılıb.

Plana uyğun olaraq, helikopter bölmələri qrup şəklində bazalanma aerodromundan uçuşlar edərək poliqonda şərti düşmənin yerüstü hədəflərinin məhv edilməsi üzrə tapşırıqları yerinə yetiriblər.

Helikopter ekipajlarının döyüş vərdişlərinin təkmilləşdirilməsi məqsədilə keçirilən təlimdə qarşıya qoyulan tapşırıqlar müvəffəqiyyətlə yerinə yetirilib.