DYP "20 Yanvar" və "Şamaxinka"da hərəkətə keçdi

Bakı Şəhər Baş Dövlət Yol Polisi İdarəsi və Azərbaycan Yerüstü Nəqliyyat Agentliyi “20 Yanvar” və “Şamaxinka” dairələri istiqamətlərində nəzərat-profilaktik tədbirlər həyata keçirir.

Bu barədə idarənin baş inspektoru, polis mayoru Araz Əsgərli məlumat verib. Onun sözlərinə görə, tədbirlərin görülməsində əsas məqsəd həmin ərazidə bir sıra vacib nəqliyyat problemlərini həll etməkdir.

Qeyd olunub ki, reydlərin əsas hədəfi “20 Yanvar” dairəsi ətrafından Sumqayıt, Xırdalan şəhəri və müxtəlif qəsəbələrə qeyri-qanuni sərnişin daşınması ilə məşğul olan sürücüləri metronun “Avtovağzal” stansiyası və Avtovağzal Nəqliyyat Mübadilə Mərkəzinə yönəldərək ictimai nəqliyyatın normal hərəkətinin tənzimlənməsi və yollarda tıxacların qarşısının alınmasıdır.