Ədviyyatlar virusun qarşısını ala bilir? | Diyetoloqlardan vacib məsləhətlər

Antibiotiklər icad olunmazdan əvvəl insanlar bakteriyalarla mübarizə aparmaq üçün ədviyyatlardan istifadə edib.

Diyetoloqlar soyuq mövsümdə hansı ədviyyatların xüsusilə vacib olduğunu və bədənə necə kömək etdiyi ilə bağlı məlumat veriblər.

Payız və qış aylarında virusa yoluxma riski daha yüksəkdir, lakin bəzi ədviyyatlar toxunulmazlığı dəstəkləyə bilər.

Mixək və razyana bakterisid təsir göstərir, orqanizmi təmizləməyə və həzmi yaxşılaşdırmağa kömək edir. Zəncəfil və “oregano” iltihabı aradan qaldırır, maddələr mübadiləsini yaxşılaşdırır və mədə narahatlığının qarşısını alır.

Sarıkök və darçın pəhrizinizə daxil edilməli olan ədviyyatlardır. Darçın qan təzyiqini normallaşdırmağa kömək edir və beyin fəaliyyətini yaxşılaşdırır. Sarıkök yağların parçalanması prosesində iştirak edir, xolesterinin səviyyəsini aşağı salır və ateroskleroz riskini azaldır.