Mətbəxin “qara qızıl”ı | İstiotun müsbət cəhətləri üzə çıxdı

Biz qara istiotu mətbəxdə adi bir ədviyyat, duzun daimi yoldaşı kimi qəbul etməyə öyrəşmişik. Amma bu sadə ədviyyatın əhəmiyyətli müalicəvi potensialı da var.

Onun tərkibindəki piperin maddəsi orqanizmdə oksidləşdirici streslə mübarizə aparır, sərbəst radikalları neytrallaşdıraraq hüceyrələrin zədələnməsinin və qocalmanın qarşısını alır.

Qara istiot həmçinin qidaların mənimsənilməsini yaxşılaşdırır, iltihabi prosesləri zəiflədə bilir.

Məlum olduğu kimi, duzun həddindən çox istehlakı yüksək qan təzyiqi, ürək xəstəlikləri və insult riskini artırır. Yeməklərə duz əvəzinə daha çox qara istiot əlavə etməklə siz bu riskləri azalda bilərsiniz.

Qeyd edək ki, onu orta miqdarda istehlak etmək əksər insanlar üçün təhlükəsizdir. Lakin həddindən artıq qəbul edildikdə, müəyyən narahatlıqlara, qıcqırma, mədənin qıcıqlanması və həzm pozuntularına səbəb ola bilər. Xüsusilə, qastrit, mədə xorası və mədə turşuluğu yüksək olan insanlar ehtiyatlı olmalıdırlar.