Əli Əsədov qəzalı binalarla bağlı görülən işlərdən danışdı

“660-a qədər qəzalı məktəb var”. Bu barədə Milli Məclisin bu gün keçirilən iclasında Baş nazir Əli Əsədov bildirib.

Baş nazir qəzalı məktəblərlə yanaşı, yararsız vəziyyətdə olan evlərdən də bəhs edib.

“Sumqayıt, Gəncə, Bakıda yataqxanaların köçürülməsi ilə əlaqədar işlər gedir. Sumqayıt İcra Hakimiyyətindən verilən məlumata görə, 12 yataqxananın vəziyyəti qeyri-qənaətbəxşdir. 6-sı ilə məşğul olmuşuq, 3-ü köçürülüb. O cümlədən Gəncədə və Mingəçevirdə də bu işlər aparılır. Ola bilər yataqxanaların və evlərin sayı daha çoxdur. Amma mənim üçün Fövqəladə Hallar Nazirliyinin rəsmi sənədi əsasdır.

Nəinki Bakıda, respublikanın bütün şəhər və qəsəbələrində qəzalı binalar var. Onların hamısını dərhal təmir edib köçürmək mümkün deyil”, – deyə Ə.Əsədov qeyd edib.