Əlimizdə sənəd yoxdur ki... | 30 ailənin “kupça” problemi niyə həll edilmir?

Binəqədi rayonunda, Mir Cəlal 11c ünvanında yerləşən 6 mərtəbəli binada 30-dan çox mənzil sahibi çıxarış əldə edə bilmir.

Sakinlər 11 ildən çoxdur ki, çıxarış əldə edə bilmədiklərini iddia ediblər.

“Haqqımı tələb edirəm, evimi almışam, sənədimi istəyirəm. Heç bir portalda ünvanım çıxmır, buna görə də işləyə bilmirəm. Çıxarış vermək əvəzinə mənə deyirlər ki, pul verin, başqa yerə qeydiyyata salaq. Evim ola-ola niyə başqa adamın evinə qeydiyyata düşüm, üstəlik, məndən pul da alsınlar”, – deyə sakin narazılığını bildirib.

MTK sədri Rauf Əliyev isə sözügedən iddianı təkzib edib:

“Pul müqabilində kimisə başqa yerə qeydiyyata salmaq məsələsi yalandır. Mən kiməm ki, bunu edim”.