Emin Əmrullayev distant təhsilin zərərlərindən danışdı

“Pandemiya dövründə ilk dəfə olaraq ümumtəhsil müəssisələrində distant tədris rejiminə keçid etdik. May ayında distant təhsilin nəticələrini görəcəyik”.

Bu fikirləri elm və təhsil naziri Emin Əmrullayev Milli Məclisdə “Ali təhsil haqqında” qanun layihəsi ilə bağlı keçirilən ictimai dinləmədə çıxışı zamanı deyib.

“Şəxsi fikrimə görə, nəticə əsaslı şəkildə aşağı düşəcək. Çünki 2020-2021-ci ildə şagirdlər, ümumiyyətlə, dərsə getməyərək distant təhsilə cəlb olundu. Bu müddətdə təhsilalanların öyrənmə bacarıqlarının nə dərəcədə itməsi və ya əksi məsələsini may ayında biləcəyik”, - deyə nazir vurğulayıb.