Erməniləri ayağa qaldıran məsələ | Şeyx Əbdül Mahmudovun cəsarətli filmləri - RETRO BAKU
“Retro Baku” verilişinin yeni buraxılışı efirə gedib.
Verilişin budəfəki sayı Xalq artisti, kinorejissor Əbdül Mahmudovun Azərbaycan kinosundakı fəaliyyətinə həsr olunub.
Xalq artistinin rejissorluq etdiyi filmlər haqqında danışan Əməkdar incəsənət xadimi Cəmil Quliyev onun yaradıcılığını səciyyələndirən əsas xüsusiyyətin cəsarət olduğunu qeyd edib.
“Əbdül Mahmudovun “Atları yəhərləyin” filmi dövlət mükafatı almışdı. Ermənilər bu filmə görə çox böyük hay-küy salmışdılar, onu qadağan etdirmək istəyirdilər. Çünki Qaçaq Nəbi erməni işğalçılarına qarşı da mübarizə aparmışdı”, – deyə o söyləyib.
Xalq artisti Həmidə Ömərova isə Ə.Mahmudovun rejissorluq etdiyi daha bir filmin – “Doğma sahillər”in çəkilişi barədə danışıb:
“Film sərhədçilər haqqında idi. Mən polkovnikin həyat yoldaşı “Zivər” obrazını canlandırırdım. Film Ordubadda çəkilirdi. Epizodlarından birində “Zivər”ə avtomat verməli idilər ki, atəş açmağa başlasın. Birdən komandir əmr verdi ki, yerə uzanın. Sən demə, sərhəd zonası olduğu üçün avtomatlarda saxta güllələr yox imiş. Mən də silahı elə formada tutmuşdum ki, istənilən vaxt atəş açıla bilərdi. Xəbərdarlıq edən kimi avtomatı yerə atdım”.
#Retro Baku teqi istifadə olunub
- "Eldənizi orada görüb qorxdum" | Əməliyyat səhv edildi, hissiyyatı itdi | Aktyor Eldəniz Zeynalov
- 8 dəfə əməliyyat olunan Ramiz Əzizbəyli niyə anasından incik öldü? - RETRO BAKU
- "Gecə ayılıb gördüm ki..." | Qəfil ölümü ilə hamını sarsıdan jurnalist Sərxan Kamallının son anları
- "Özümə bunu bağışlamıram" | Qiraətçi Nadir Hüseynovu niyə əməliyyat etmədilər? - RETRO BAKU
- Anasının lənətlədiyi, 2 övladını faciəvi şəkildə itirən aktrisa | Nuriyyə Əhmədova - RETRO BAKU
