Ermənistan Ordusu minaatanlarla Zod istiqamətinə hücuma keçib

Sentyabrın 2-si saat 11:00 radələrində Ermənistan Silahlı Qüvvələrinin bölmələri Basarkeçər rayonunun Zod istiqamətində yerləşən mövqelərindən Azərbaycan Ordusunun üzbəüz mövqelərini 60 və 82 millimetrlik minaatanlardan atəşə tutub.

Bu barədə məlumatı Müdafiə Nazirliyi yayıb. Bildirilib ki, bölmələrimiz tərəfindən qeyd olunan istiqamətdə cavab tədbirləri görülüb.

Nazirliyin bundan əvvəl yaydığı məlumatda isə qeyd olunub ki, sentyabrın 2-si səhər saatlarında Azərbaycan Ordusunun Şahbuz və Kəlbəcər rayonları istiqamətində yerləşən mövqeləri üzərində kəşfiyyat uçuşları keçirməyə cəhd göstərən Ermənistan Silahlı Qüvvələrinə məxsus Pilotsuz Uçuş Aparatlarının səyyar yerüstü idarəetmə stansiyası məhv edilib.