Ermənistanda daşınmaz əmlak sahibi olan azərbaycanlıların sayı açıqlandı

2023-cü ildə Ermənistanda daşınmaz əmlak sahibi olan Türkiyə və Azərbaycan vətəndaşlarının sayı açıqlanıb.

Bu barədə erməni mediası ölkənin Kadastr Komitəsinə istinadən məlumat paylaşıb.

Statistikaya görə, ötən il Türkiyə vətəndaşları İrəvandan 3 mənzil alıblar. 2022-ci ildə isə bu göstərici 11 olub. Azərbaycan vətəndaşlarına gəldikdə isə ötən ildə Ermənistandan daşınmaz əmlak alan olmasa da, 2022-ci ildə 2 azərbaycanlı ölkədə mənzil sahibi olub.

Məlumatda həmçinin sahib olduqları əmlakları satanların da statistikası dərc edilib. Belə ki, 2023-cü ildə türkiyəlilər İrəvanda çoxmənzilli yaşayış binasında 2 ev və Ararat rayonunda 1 torpaq sahəsi satıblar. Azərbaycanlılar isə 1 mənzil satıblar.

Kadastr Komitəsinin məlumatına görə, Türkiyə vətəndaşları Ermənistanda ilk dəfə 2005-ci ildə, Azərbaycan vətəndaşları isə 2012-ci ildə daşınmaz əmlak alıblar.