Ermənistanda saxlanılan hərbçimizə ağır cəza

Ermənistanın Cinayət İşləri üzrə Apellyasiya Məhkəməsi bu ölkədə əsir saxlanılan Azərbaycan Ordusunun əsgəri Hüseyn Axundovla bağlı cinayət işinə baxıb və onun ömürlük azadlıqdan məhrum edilməsi haqqında qərar çıxarıb.

Bu barədə məlumatı erməni mətbuatı yayıb.

Xatırladaq ki, Azərbaycan Ordusunun əsgərləri – 19 yaşlı Aqşin Bəbirov və 20 yaşlı Hüseyn Axundov aprelin 9-da Şahbuz rayonunun Ermənistanla sərhəd ərazisində əlverişsiz hava şəraitində məhdud görmə səbəbindən itkin düşüblər. Ermənistan Müdafiə Nazirliyi aprelin 13-də Azərbaycan əsgərlərinin Ermənistanda saxlandığını etiraf edib. Sosial şəbəkələrdə və Ermənistan mediasında ermənilərin əsir götürdükləri Azərbaycan hərbçisini döymələri, ona ağır işgəncə vermələri ilə bağlı görüntülər yayılıb.

Qeyd edək ki, Ermənistan məhkəməsi mayın 8-də Aqşin Bəbirovu 11,5 il, iyunun 21-də isə Hüseyn Axundovu 20 il müddətinə azadlıqdan məhrum etmişdi.