Ermənistanın Bərdənin Qarayusifli kəndində törətdiyi terrordan 5 il ötür
İkinci Qarabağ müharibəsi dövründə Bərdə rayonunun Ermənistan Silahlı Qüvvələri tərəfindən növbəti dəfə raket hücumuna məruz qalmasından 5 il ötür.
2020-ci il oktyabrın 27-də cəbhə zonasından kənarda yerləşən Bərdənin Qarayusifli kəndinin "Smerç" raketləri ilə atəşə tutulması nəticəsində 2-si uşaq olmaqla 5 nəfər şəhid olub, 13 nəfər isə xəsarət alıb.
Ermənistan Silahlı Qüvvələrinin raket atəşi nəticəsində bir neçə yaşayış evi tamamilə dağılıb, sakinlərə külli miqdarda ziyan dəyib.
Qeyd edək ki, Bərdə rayonu və şəhər mərkəzi İkinci Qarabağ müharibəsi dövründə ümumilikdə 3 dəfə Ermənistan Silahlı Qüvvələrinin raket və ağır artilleriya hücumlarına məruz qalıb.
Nəticədə 29 nəfər şəhid olub, 112 nəfər yaralanıb, rayonda yerləşən mülki infrastruktur obyektlərinə, nəqliyyat vasitələrinə külli miqdarda ziyan dəyib.
#Bərdə terroru teqi istifadə olunub
- "O, travma yaşadıqca mən də yaşayıram" | Anasının yoxluğuna öyrəşə bilməyən balaca qız
- Ermənistanın Bərdədə törətdiyi terror | 21 nəfər şəhid, 70 yaralı
- Bərdəyə ilk raket hücumundan 5 il keçir
- Ermənilərin Bərdədə törətdiyi terror aktından 5 il keçir
- Ermənistanın raket hücumunda şəhid olan Bərdə sakininin ailəsi danışdı
