Fazil Mustafadan narkomaniyanın müalicəsi ilə bağlı təklif

“Narkoloji müalicələr istiqamətində özəl sektorun beynəlxalq təşkilatlardan qrant alması üçün şərait yaradılmalıdır”.

Bunu Milli Məclisin İnsan hüquqları komitəsinin fevralın 29-da keçirilən iclasında deputat Fazil Mustafa deyib.

"Dövlətin bu istiqamətdə müalicəsi yetərli deyil. Ombudsman bu istiqamətdə təşəbbüs göstərə bilər. Özəl müəssisələrdə narkotik müalicəsi var. Bu müalicə isə vəsait tələb edir. Narkoloji müalicə ilə məşğul olan özəl sektora şərait yaradılmalıdır ki, beynəlxalq təşkilatlardan qrant ala bilsin. Özümüz həll edə bilmədiyimiz problemlərin həlli üçün yollar açmalıyıq”, – o qeyd edib.