FETÖ ilə bağlı saxlanılan Qubad İbadoğluna qarşı yeni ittiham

Azərbaycan Demokratiya və Rifah Partiyasının həbsdə olan sədri Qubad İbadoğluna əlavə ittiham verilib.

“Qafqazinfo”nun məlumatına görə, ona qarşı Cinayət Məcəlləsinin 167-3.1-ci (dini ekstremist materialları hazırlama, saxlama və ya yayma) maddəsi ilə yeni ittiham irəli sürülüb.

Məlumatı Q.İbadoğlunun vəkili Zibeydə Sadıqova təsdiq edib. İş üzrə ibtidai istintaq davam edir.

Qeyd edək ki, Qubad İbadoğlu barəsində ötən ay Nərimanov Rayon Məhkəməsinin qərarı ilə 3 ay 26 gün müddətinə həbs qətimkan tədbiri seçilib.