FHN məlumat yayıb

Türkiyədə zəlzələ bölgəsində 2639 nəfərə yüksək səviyyəli tibbi xidmət göstərilib. Bu barədə Fövqəladə Hallar Nazirliyi məlumat yayıb.

Prezident İlham Əliyevin tapşırığına əsasən, Türkiyədə baş verən güclü zəlzələnin fəsadlarının aradan qaldırılmasına dəstək məqsədilə qardaş ölkəyə göndərilən FHN-in mobil səhra hospitalında zəlzələdən ziyan çəkən insanlara tibbi xidmət davam etdirilir. Ümumilikdə ötən günlər ərzində 562-si uşaq olmaqla 2639 nəfərə yüksək səviyyəli tibbi xidmət göstərilib.

Zəlzələ bölgəsində yerli tibbi infrastrukturun tədricən bərpa olunması nəzərə alınaraq, FHN-in Kahramanmaraşda olan mobil səhra hospitallarından biri martın 4-də Bakıya gətirilib. Digər hospital isə fəaliyyətini fasiləsiz davam etdirir.