Fransızları heyran qoyan kəndirbaz | Məni 10 gün əlavə saxladılar

“Əvvəllər 50-yə yaxın kəndirbaz var idi. Hazırda isə bu sənətlə 7-8 nəfər məşğul olur”.

Bunu Baku TV-yə açıqlamasında qədim el sənəti olan kəndirbazlıqla məşğul olan qubalı Amil Məmmədhüseynov deyib.

8 yaşından bu sənətlə məşğul olduğunu vurğulayan A.Məmmədhüseynovun sözlərinə görə, atası və əmisi də kəndirbaz olub: “Gözübağlı çıxış edirik. Sənətimiz çox təhlükəlidir. Öyrənmək istəyənlər olur, amma çətin gəldiyi üçün davam etmirlər”.

O həmçinin qeyd edib ki, xarici ölkələrdə də bu sənət maraqla qarşılanır: “5 günlük Fransaya getmişdim. Proqramıma çoxlu adam gəldiyi üçün məni orada 10 gün əlavə saxladılar”.